Haiku 11

కంట నీరు
పెదవి దాకా చేరి...
చిరునవ్వైపోతోంది:-)

03-29-07
యోగానంద్

Haiku 10

కంట నీరు
గుండె దాకా జారి
ఆవిరైపోతోంది...

03-29-06
యోగానంద్

దగ్గు

దగ్గుతున్నాడు రోగి
అసలు ఆపుకోలేకుండా-
మెల్లగా క్షిణించుకు పోతున్నాడు,
గుండెల్లో మండుతున్న
కల్మషమంతాబైటికొచ్చేస్తోంది,
తేలిగ్గా ఉంటోంది-
అలానే క్షిణించి పోతున్నాడు
అసలాపుకోలేకుండా దగ్గుతున్నాడు...

ఈ చావు బతుకుల కొట్లాట లో
ప్రతి దగ్గు తరవాత
మరో జన్మెత్తినట్టు
ఆనంద పడిపోతున్నాడు!

3-02-07
యోగానంద్
PS:- అసలు నిద్ర కూడా పట్టలేనంతగా దగ్గుతున్నాను ఇప్పుడు :-( (ఇది రాసిన సమయం లో)

నిరీక్షణ

అర్ధం కాని కవితలో
వ్యర్థమైన పదచిత్రం లా
చిక్కిపోయిన మనసు కి-
తెల్లని కాన్వాసు పై
పూర్తి కాని ఒక చిత్రం లా
అస్పష్టమైన భావం!

కవెప్పుడు స్వేచ్ఛనిస్తాడో!
చిత్రకారుడెప్పుడు పూర్తి చేస్తాడో!

3-02-07
యోగానంద్