చరమ గీతం

పాడవా...

ఒక్క పాట!

ఒంటరి తనాన్ని

తనివి తీరా తాగుతున్న

నా మనసుని ఆహ్లాద పరుస్తూ

పాడవా...

ఒక్క పాట!

లిప్స్టిక్ ఎరుపుని

కసిగా జుర్రుకుంటున్న

ఈ గాజు గ్లాసు నుంచి

రాగాలూరుస్తూ

పాడవా...

ఒక్క పాట!

చుక్కలు నింపుకున్న

ఈ యామినిలో

విరిగిన మనసులతో

విసిగిన మనుషుల

పార్టీల ప్రేలాపనల్లో

ఆనందం శఠిన్చే వేళ-

ఆ చరమ గీతానికి

పల్లవి కూరుస్తూ

పాడవా...

ఒక్క పాట!

05/18/2011

యోగా

అముద్రిత కావ్యం

కన్నీటి అలలు

చెరిపేస్తున్న కలలు

నా గుండెల్లో దాగిన

అముద్రిత కావ్యాలు

-యోగా

PS:-నా ఆప్తుడు, స్నేహితుడు మూలా సుబ్బు కధ చదివాకా తట్టిన కవిత...

http://www.koumudi.net/Monthly/2011/may/may_2011_kadhakoumudi_2.pdf