ప్రవాహం

పెను లోతులు తవ్వుతూ

అక్షర శిల్పాలను చెక్కుతూ

అనర్గళంగా ప్రవహించే

కొలొరాడో నది లా -

మస్తిష్క లోలోతుల్లో

నేను పయనిస్తూ ఉంటా

ఆనకట్ట లా!

నాకు లొంగి

నాలో కలిసిపోతాయి!

నా శక్తి కి రూపాన్నిస్తాయి...

నన్నందరూ గ్రహించలేరు...

కొందరు మాత్రం-

నాలో మమేకమై

మళ్లీ జన్మిస్తారు

అగ్ని గర్బం లోంచి

పుట్టిన సెకోయా చెట్ల లా

ఆకాశాల్నేదిరిస్తూ

పైపైకెదిగిపోతారు

సంశప్తకులై...

కవులై నిలుస్తారు!

03-31-2007

యోగానంద్

ఈ కవిత కి మూడేళ్ళ క్రితం వంగూరి సంస్థ వారి కవిత రచన పోటీ లలో మొదటి బహుమతి వచ్చింది. ఇది ఇక్కడ (నా బ్లాగ్) లేదని గ్రహించి మళ్లీ ఇక్కడ పోస్ట్ చేస్తున్నా...